Jo vetëm nga segmente të qeverisë, por shqiptarët në Angli janë vendosur në shënjestër edhe nga media që vijon që të publikojë artikuj lidhur me trafikun e emigrantëve.
“Daily Mail” tregon mënyrat sesi shqiptarët po fitojnë klientë për t’i dërguar në mënyrë të jashtëligjshme në Angli.
Në artikull shkruhet se shqiptarët pa asnjë frikë reklamojnë “biznesin” e tyre në rrjetet sociale, e kryesisht në TikTok, duke treguar datat e nisjes dhe detaje të tjera.
“Shqiptarët kërkojnë deri në 18 mijë paund për kalimin e sigurt drejt Britanisë, jo me gomone, por me kamionë.
Ndryshe nga gomonet që kanë një vëmendje të shtuar gjatë kohëve të fundit, kalimi me kamion është më i lehtë”, shkruan Daily Mail. Një tjetër trafikant ofron udhëtime me avion me pasaporta të falsifikuara.
