Më shumë se 400 turistë të bllokuar në Machu Picchu për shkak të trazirave që kanë tronditur Perunë që nga dhjetori dhe kanë vrarë 46 njerëz janë evakuuar në mënyrë të sigurt nga zona që dominon kështjellën ikonike të Inkave të shtunën.
“Këtë pasdite (me orën lokale), 418 turistë peruan dhe të huaj u transferuan nga Machu Picchu në Cusco”, tha në Twitter ministria e turizmit të Perusë, kryeqyteti historik i perandorisë Inka.
Ministria publikoi një foto të trenit që lidh dy qytetet dhe një të dytë të turistëve brenda trenit.
Më herët, autoritetet peruane kishin vendosur të mbyllnin Machu Picchu për publikun, për shkak të rrezikut për sigurinë e vizitorëve.
Udhëtimi me tren është i vetmi opsion që turistët kanë për të arritur në zonën ku ndodhet atraksioni më i njohur i Perusë. Protestuesit antiqeveritar shkatërruan një pjesë të rrjetit hekurudhor duke bllokuar qindra turistë në komunitetin e Aguas Calientes.
Në dhjetor rreth 300 turistë u bllokuan në të njëjtin vend dhe u evakuuan përfundimisht me tren të shoqëruar nga policia falë ndërhyrjes së ekuipazheve që riparuan dëmtimet në linjën hekurudhore.
