Zbardhen detaje të reja nga arrestimi i gardianit të burgut të Drenovës, Nevis Ibrahimi dje pasi gjatë kontrollit iu gjet kanabis që po e fuste brenda qelive për të dënuarit.
Pas dyshimeve, kolegët e futën në kontroll në momentin e marrjes së turnit dhe në pjesën e të mbathurave iu gjet kanabis që ishte mbështjellë me një beze të bardhë.
E diela ka dhe fluksin e vizitave në këtë burg, gjë e cila mund të jetë përdorur nga efektivi i burgut si një mënyrë më e lehtë për të futur drogën, pasi kontrollet përqendrohen më tepër tek familjarët e të burgosurve.
