Ish-kryetari i PD-së, Lulzim Basha duket se po rikthehet aktiv pas tërheqjes nga skena politike që pas dorëheqjes. Pasi zëvendësoi Jorida Tabakun, Basha ka fluturuar me shpejtësi drejt Strasburgut në mbledhjen e Këshillit të Europës.
“Kënaqësi të takohesha me kryetarin e Kuvendit të Kosovës Glauk Konjufca. Biseduam për zhvillimet në Kosovë dhe veçanërisht në kuadër te Asambleja Parlamentare të Këshillit të Evropës, për hapat, bashkëpunimin dhe koordinimin për anëtarsimin në këtë institucion.
Mirënjohje miqve dhe partnerëve europianë 🇪🇺 dhe amerikanë 🇺🇸 për vëmendjen e shtuar, për arritjen e një marrëveshje mes Kosovës dhe Serbisë. Investimi në Kosovën e pavarur, në Kosovën anëtare të NATO-s, dhe BE është investimi më i suksesshëm global e në veçanti i demokracive perëndimore” shkruan ai.
