Pas puthjes së shumëpërfolur brenda shtëpisë së BBV mes Luizit dhe Kiarës flasin dy njerëzit më të afërt të moderatores, shoqja e ngushtë dhe tezja, Liesa Haxhiasllani dhe Migena Greca.
“Ishte shumë e bukur. Të gjithë shqiptarët mezi e kanë pritur këtë puthje. Ka qenë tema e ditës, kur do ta puthë Kiara, Luizin? Çdo njeri që më takonte, këtë më pyeste. Presion brenda dhe presion jashtë shtëpisë.
Kiara ua mbylli gojën të gjithëve. Kiara e ka pasur gjithmonë ëndërr që të bënte një dasmë shumë të madhe. Kiara është tip që preket.
Është e ndjeshme shumë. Edhe ne kemi qarë. Halla e Kiarës më tha që në Lushnje janë hedhur fishekzjarrë pas puthjes” tha tezja, që më pas vlerësoi Luizin “ka treguar që është shembulli i një mashkulli që cdo femër do të donte ta kishte në krah”.
Liesa Haxhiasllani, që është shoqja e ngushtë tha se “Kiara nuk bën asgjë nëse nuk e ndjen. Ndodhi. U duk si fundi i filmave, momenti kur puthet princesha me princin” tha ajo te “Ftesë në 5”.
