Mbrojtësi spanjoll, Sergio Ramos ka bërë një deklaratë befasuese duke u shprehur se Lionel Messi është më i miri në histori.
Dyshja për shumë vite ishin rivalë të mëdhenj, pasi Ramos luante te Real Madridi ndërsa Messi te Barcelona.
Vitin 2021 ishte viti ku dyshja veshën të njëjtën bluzë atë të PSG duke u kthyer nga rivalë në bashkë lojtar të një ekipi dhe jashtë Spanjës.
Pas transferimit te ekipi francez duket se raportet e tyre kanë ndryshuar duke u bërë miq të mirë.
36-vjeçari së fundmi tha se argjentinasi është më i miri në histori.
“Kam vuajtur për disa vite duke luajtur kundër Messit. Tani po e shijoj atë. Leo është futbollisti më i mirë që ka prodhuar ndonjëherë futbolli”, u shpreh spanjolli për “PSG TV”.
Ramos dhe Messi, në sezonin e tyre të dytë te parisienë, synojnë që të korrin sukses në Champions League me bluzën e PSG.
