4,372 persona kanë humbur jetën dhe 15,834 të tjerë janë plagosur pasi një nga tërmetet më të fortë goditi dje Turqinë, lëkundjet e të cilit u ndjenë dhe në Siri, ndërsa janë shembur qindra ndërtesa.
Moti dhe shkalla e katastrofës po e bënte sfiduese për ekipet e ndihmës mbërritjen në zonën e prekur, tha ministri turk i Shëndetësisë Fahrettin Koca, duke shtuar se helikopterët nuk ishin në gjendje të ngriheshin për shkak të motit të keq.
Stuhi të forta dëbore kanë goditur kohët e fundit disa pjesë të Sirisë dhe Turqisë, sipas meteorologes së CNN Haley Brink, dhe deri të mërkurën tashmë temperaturat e ftohta pritet të bien disa gradë nën zero.
Siç mund të shihet edhe nga fotot të mbijetuarit e kanë kaluar natën jashtë në të ftohtë duke u përpjekur të ndezin zjarre për tu ngrohur.
Në qytetet e goditura nga tërmeti në Turqinë juglindore familjet grumbullohen rreth zjarreve për t’u ngrohur. Disa kërkuan strehim në autobusë, qendra sportive, xhami dhe nën tenda të përkohshme pëlhure me pëlhurë – struktura mjaft të forta për t’i bërë ballë goditjeve të mëtejshme ose mjaft të dobëta për të mos shkaktuar lëndime të rënda nëse ato shemben./CNN
