Kryeministri grek, Kyriakos Mitsotakis ka komentuar tërmetet shkatërruese në Turqi dhe dërgimin e ekipeve të shpëtimit, duke thënë se në momente krize mosmarrëveshjet lihen mënjanë.
Kryeministri theksoi se Greqia ishte një nga vendet e para që dërgoi ndihma në Turqi, pasi shteti grek ka përvojë të mjaftueshme në përballimin e tërmeteve të mëdha.
“Nuk mund të imagjinoj një imazh më të fuqishëm se ky i një shpëtimtari grek dhe një shpëtimtari turk që shpëtojnë një vajzë 7-vjeçare. Këto janë imazhe shumë të fuqishme që në fund të fundit ndërtojnë ura mes popujve tanë. Tërmeti, duhet të theksoj, preku edhe Sirinë, ku kushtet atje janë shumë më të komplikuara, ndaj duhet të ketë një mobilizim për ndihmë përmes organizatave ndërkombëtare”, tha kryeministri.
