Një bombol gazi ka shpërthyer në një shtëpi në Dibër. Policia njofton se ngjarja ka ndodhur në njësinë Administrative Melan, ku për pasojë ka mbetur e plagosur një grua, e cila po merr ndihmë mjekësore në spital.
“Në njësinë Administrative Melan, Dibër, brenda në banesë ka shpërthyer një bombol gazi dhe për pasojë është lënduar shtetasja S.F., e cila po merr ndihmë mjekësore në spital. Grupi hetimor po kryen hetimet për zbardhjen e rrethanave të ngjarjes”, njofton policia.
