Rrëzimi i balonës në Kanada, ministrja: Shumë herët për të ditur nëse ishte nga Kina

Ministrja e Mbrojtjes e Kanadasë, Anita Anand po i përgjigjet pyetjeve të vazhdueshme se është “shumë herët” për të qenë e qartë nëse “objekt i paidentifikuar” që u rrëzua të shtunën mbi qytetin Yukon erdhi nga Kina.

Anand foli pasi kryeministri Justin Trudeau njoftoi se kishte urdhëruar rrëzimin e objektit që shkeli hapësirën ajrore kanadeze.

Kjo pasoi konfirmimin nga Komanda e Mbrojtjes Ajrore të Amerikës së Veriut (NORAD) të një raporti të Global News të publikuar se zyrtarët e aleancës kontinentale të mbrojtjes po gjurmonin një objekt që mund të jetë një tjetër balonë e mundshme spiune.

“Nuk do të spekuloj për origjinën e këtij objekti sonte . Është shumë herët për të analizuar mbeturinat e tij , pasi ne jemi ende duke mbledhur prova”, tha Anand , duke sqaruar se do të bëhet një hetim i gjerë për të sqaruar se cili ishte ky objekt që shkeli hapësirën ajrore kanadeze dhe e kishte SHBA – në “në gatishmëri” prej disa ditësh.

Siç vuri në dukje edhe ministri i mbrojtjes i Kanadasë, objekti është ” ndoshta i ngjashëm me atë të rrëzuar  në brigjet e Karolinës së Veriut , edhe pse më i vogël në përmasa dhe në natyrë cilindrike.

Trudeau tha në postimet e tij se si avionët kanadezë dhe amerikanë ishin aktivizuar dhe ishte një F-22 amerikan që “rrezoi me sukses objektin”. Objekti ra rreth 100 milje nga kufiri Kanada-SHBA në Territorin Yukon .

“Për dijeninë tonë, ky është rasti i parë i rrëzimit të një objekti nga NORAD në hapësirën ajrore kanadeze , dhe rëndësia e këtij momenti nuk duhet nënvlerësuar. Së bashku e zbuluam këtë objekt dhe së bashku e mundëm ”, tha Anand. Objekti po fluturonte në një lartësi prej rreth 40,000 këmbë dhe “paraqiste një kërcënim të arsyeshëm për sigurinë e fluturimeve civile “, tha ai gjithashtu.