Shtyhet për herë tetë gjyqi në gjykatën e Apelit për dosjen “Babale”. Seanca e radhës do të jetë në 7 mars në orën 09:30. Personazhi kryesor në këtë dosje është Ervin Salianji.
Sot seanca është shtyrë për fajin e avokatit të deputetit demokrat.
Avokati i tij, Ledio Braho ka dorëzuar një kërkesë duke argumentuar se duhet të jetë i pranishëm në një aktivitet në qytetin e Vlorës dhe për këtë arsye nuk mund të jetë prezent. Në seancë mungon dhe vetë Salianji.
Salianji u shpall fajtor për veprën penale ‘kallëzim i rremë’ në lidhje me çështjen “Babale”, ku u dënua nga gjykata e Shkallës së Parë me 1 vit burg.
Në Apel e ka çuar çështjen dhe gazetari Jetmir Olldashi, i cili u dënua me 6 muaj burg të konvertuar në 100 orë shërbim komuniteti.
Nëse Apeli do të konfirmojë vendimin e Shkallës së Parë, deputeti Salianji, rrezikon burgun.
