Jehona në mediat amerikane për skandalin “McGonigal” vazhdon.
Dje ishte gazeta e njohur “Washington Post” që shkruante se Charles McGonigal ka pasur një lidhje sekrete me kryeministrin Edi Rama duke përfituar favore duke çuar para interesat e kreut të qeverisë shqiptare.
Një tjetër media amerikane, “Inner City Press” shkruan se ish-agjentit të FBI, Mark Rossini ka qenë pjesë e seancës ndaj McGonigal të zhvilluar në një gjykatë në Nju Jork.
Portali shkruan se Mark Rossini ka zgjedhur heshtjen duke refuzuar t’u përgjigjet pyetjeve, ndërsa gjykatësi tha se do shqyrtojë dokumentet në një seancë me dyer të mbyllura.
