Irena Brahimi është gjyqtarja që do të vendosë nëse do të pranojë apo do të rrëzojë kërkesën e ish-shefes së kabinetit të Arben Ahmetajt për lirim nga qelia. Prej më shumë se dy javësh, ish-zyrtarja e lartë e Kryeministrisë u arrestua dhe ndodhet në qeli.
Ajo akuzohet për pastrim parash, deklarim të rremë dhe fshehje pasurie. Ishte dëshmia e pastrueses Rozeta Dobi që çoi në burg zyrtaren.
Dobi deklaroi se 500 mijë Eurot që iu gjetën në shtëpi ia dha vetë Klosi për t’i fshehur. Por Klosi e mohon duke pranuar se të sajat janë vetëm 120 mijë eurot që i la xhaxhai për kurim në SHBA. Hetimet vazhdojnë.
