U zhvillua në Hagë seanca përgatitore për nisjen e gjykimit në rastin e Hashim Thaçit, Kasdri Veselit, Jakup Krasniqit dhe Rexhep Selimit.
Zyra e Prokurorit të Specializuar deklaroi se për momentin kanë të planifikuar të thërrasin 312 dëshmitarë.
“Kalendari që kemi dhënë përfshin 600 orë në vitin e parë të gjykimit. Ju keni 312 dëshmitarë, dhe ky numër ndryshon ka 11 dëshmitarë më pak se nga parashtrimi i mëparshëm”, ka thënë kryetari i trupit gjykues.
Ata do të dëshmojnë për krimet e pretenduara. “Sa dëshmitarë në lidhje me krimet? Kemi 188 dëshmitarë lidhur me krimet. Strukturën e UÇK-së? 110 dëshmitarë. Për veprimet dhe sjelljen e të akuzuarve 63.
Nëse mblidhen këto shifra dalin më shumë se 312, disa dëshmi mund të jenë përsëritëse. Këto janë kategoritë”, thanë nga Zyra e Prokurorit të Specializuar.
