28 deputetë të PD-së kërkuan shkarkimin e kryetares së Kuvendit, Lindita Nikolla. Sot do të votohen raportet në Kuvend. PD nuk e prezantoi raportin e saj, pasi Enkelejd Alibeaj theksoi se ai që duhet ta lexonte është përjashtuar, Gazment Bardhi.
Nga krahu socialist, Etilda Gjonaj në raportin që prezantoi tha se nuk ka asnjë shkelje nga Nikolla. Vetë kryetarja e Kuvendit tha se ishte e prekur me këtë kërkesë.
“E lexoj këtë kërkesë si reflektim dhe tërheqje vëmendje. Fillova të reflektoj dhe ktheva kokën ku kisha gabuar dhe acarimet kishin ardhur jo për shkakun tim. Ndihem e prekur dhe zhgënjyer nga kjo kërkesë.
Kësaj kërkese i mungon themeli, ka një qëllim, por jo shkak nga të kompleksuarit prej foltores. Shpikët një kauz artificiale. Në këtë kërkesë është emri, por jo dëshira dhe bindja juaj. Ju keni interpretime, por jo fakte. Kjo nuk do i helmatosë marrëdhëniet tona” tha ajo.
