Ulliam Sokoli 25-vjeç nga Vlora është arrestuar sot me qëllim ekstradimin në Spanjë. Ai u prangos një ditë pas Xhuljano Hajrullës, të dy do të vendosen përpara drejtësisë spanjolle, të akuzuar për grup kriminal.
Sokoli në Madrid akuzohet për veprat penale “Trafik narkotikësh”, “Grup kriminal” dhe “Mashtrim në fushën e energjitikës”, parashikuar nga legjislacioni penal spanjoll.
Sokoli dhe Hajrulla janë pjesëtarë të të njëjtit grup kriminal në Spanjë, që merret me kultivimin e marijuanës, sipas policisë shqiptare. Materialet iu referuan Prokurorisë, për veprime të mëtejshme.
