Pesë persona janë vrarë dhe 15 janë plagosur nga sulmet ajrore izraelite në kryeqytetin sirian Damask. Në mesin e viktimave ka civilë sipas raportimeve nga kryeqyteti sirian.
Të pyetur nga agjencia Reuters autoritetet izraelite nuk dhanë asnjë koment, por sipas BBC Izraeli shpesh godet objektiva në Siri që u përkasin Irani dhe militantëve të Hezbollahut
Të dy vendet janë përfshirë vitet e fundit në atë që quhet dhe “luftë në hije” me sulme pa autorë kundër aseteve, infrastrukturës së njëra-tjetrës.
Izraeli nuk ka komentuar mbi sulmet ajrore që vijnë më shumë se një muaj pasi një sulm raketor izraelit goditi Aeroportin Ndërkombëtar të Damaskut, duke vrarë katër persona , duke përfshirë dy ushtarë.
Sulmi vjen në një kohë kur qeveria siriane po merret me tërmetet shkatërruese të 6 shkurtit që vranë të paktën 5,800 njerëz.
