Kandidati i PD-së për bashkinë e Elbasanit, Luçiano Boçi akuzon pushtetin lokal dhe qendror për menaxhimin e mbetjeve. Deputeti shprehet se qytetarëve u merren lekët, por plehrat lihen rrugëve.
“Plehrat në rrugë si dëshmi e babëzisë dhe korrupsionit! Qytetarët e Elbasanit dhe gjithë Shqipërisë kanë paguar mbi 27 milionë euro për hekurishtet e Inceneratorit të Elbasanit.
Qytetarët e Elbasanit u përballën me një rritje deri në 70% të taksave vendore dhe sot gjendja e plehrave dhe investimeve është skandaloze” shprehet Boçi nga lagja “Skënderbej” në Elbasan.
