Ish-presidenti Ilir Meta u shpreh nga dera e SPAK-ut se nuk i trembet drejtësisë së re. Kryetari i Partisë së Lirisë tha se thirrja e tij dhe akuzat kanë prapavijë politike. Por si lidhet dosja “CEZ-DIA” me emrin e tij?
“Me portalet” tha Meta pas tre orësh dëshmi në prokuroi. Ilir Meta e pranoi që ka udhëtuar me Kastriot Ismailajn, që tashmë është dënuar me 11 vite për këtë dosje. “Unë kam qenë për vizitë pune. Kjo ka qenë e dokumentuar” tha ai. I pyetur nëse i trembet arrestimit, ish-presidenti u përgjigj “mos more…”.
Elvis Mata dyshohet se është personi që ka pranuar të bëhet bashkëpuntor i drejtësisë për këtë dosje. Për këtë person, Meta tha se është mashtrues. Ish-presidenti sqaroi se nuk ka asnjë firmë të hedhur prej tij në këtë dosje.
“Nuk kam asnjë urdhër, akt apo vendim që ka të bëjë me përmbushjen e funksionit zyrtar për atë periudhë apo cdo tjetër. Por nëse drejtësia të kërkon, patjetër nuk mund t’i shmangesh. Nuk ekziston asnjë akt apo dokument që Ilir Meta të ketë favorizuar cilindo.
Nuk kam asnjë shqetësim sepse nuk ka asnjë fakt dhe akt që mund të krijojë një raport të Ilir Metës me ligjin. Bashkëpunëtor dihet kush është, Endri Fuga që bën portalet, që më pas i marrin këta….Elvis Mata?
Prokurori që më pyeti, përgjigjen ia kam dhënë për këtë person si mashtrues, njeri të larguar nga LRI. Shpiftës dhe mashtrues. Mashtrim ordiner. Më vjen keq që harxhohet kohë për gjëra të tilla. Këtu janë mal kallëzimet. Ju e dini kush i ka dhënë udhëzimet që të thirret Ilir Meta, nga kongresi i Partisë” tha Ilir Meta.
SPAK merr në pyetje Metën për dosjen “CEZ-DIA”: Nuk kam firmosur! Po e stis “Rilindja”
