Kryetari i PD-së, Sali Berisha hodhi sot akuza të forta për ish-sekretarin e përgjithshëm të ministrisë së Arsimit dhe Brendshme Plarent Ndreca dhe gazetarin Sokol Balla.
“Një njeri që e ka vendin në burg. Plarent Ndreca e ka vendin në burg. Sepse ju e dini aferën e uniformave.
Një nga mekanizmat kryesorë të vjedhjes është se u përgjysmua numri i uniformave që do të prodhoheshin me të njëjtën shumë. Njeri që ka firmosur është Plarent Ndreca. E ka kapur Edi Rama tani atë”, u shpreh Berisha.
“Pyesni pak kush e paguan Sokol Ballën? Pyesni pak ju lutem. Për të kuptuar se çfarë kalbësire ekziston. Kush e paguan atë?
Me çfarë paresh paguhet Sokol Balla? Unë dhashë një shembull. Këta janë një grup që kalojnë nga një studio në tjetrën për të mashtruar shqiptarët” tha Berisha.
