Kompania polake e naftës, Orlen ka njoftuar se pala ruse ka ndërprerë rrjedhën e naftës përmes tubacionit Droujba sipas kontratës së fundit aktuale, e cila mbulon vetëm 10% të nevojave të kompanisë.
“Rusia ndaloi furnizimin, për të cilin ne ishim të përgatitur. Vetëm 10% e naftës bruto erdhi nga Rusia dhe ne do ta zëvendësojmë atë me naftë nga burime të tjera”, tha CEO i Orlenit, Daniel Obaitek.
Reduktimi i furnizimit përkon me miratimin nga Bashkimi Evropian të një pakete të re sanksionesh që synojnë të godasin ekonominë ruse dhe kompanitë iraniane të akuzuara për mbështetjen e pushtimit rus të Ukrainës.
Grupi polak i naftës kishte ndaluar tashmë importin e naftës ruse nga deti për një vit.
Orlen siguron se ndërprerja nuk do të ndikojë në furnizimin e klientëve të saj polakë dhe se të gjitha furnizimet tani do të sigurohen nga deti dhe burime të tjera furnizimi.
Për vite me radhë, Polonia ka diversifikuar burimet e saj të furnizimit në naftë dhe gaz natyror.
