Një 52-vjeçar është kapur dhe rrahur për spital nga pronarët e një banese në Kuçovë në momentin që hyri për të vjedhur pulat.
Lefter Brisku është kapur mat nga i zoti i shtëpisë me një thes me pula që i kishte vjedhur në kotec, ndërsa më pas ka ndërhyrë djali i këtij të fundit, 20-vjeçari me inicialet B.Sh. dhe ka nisur ta dhunojë.
Hajduti ka pësuar fraktura të forta në kokë. Më pas ka qenë vetë pronari që njoftoi ambulancën që e transportoi në spitalin e Beratit dhe më pas te Trauma në Tiranë. Ngjarja ndodhi në lagjen ’11 Janari’ pak pas mesnate, pranë varrezave të qytetit.
