Një aksident masiv ndodhi paraditen e sotme te “Ura e Tajvanit” në Tiranë. Tre persona janë plagosur sipas informacionit të parë nga vendi i ngjarjes.
Një autobus i linjës së unazës është përfshirë në aksident me tre makina të vogla. Një nga makinat e vogla ka përfunduar në stacionin e autobusi dhe më pas në trotuar.
Aksidenti masiv në Tiranë, vjen njoftimi i parë nga policia: Tre të plagosur
Një tjetër makinë tip “Benz” sikur duket nga pamjet është dëmtuar nga goditja ballore e autobusit që gjithashtu ka pësuar dëmtime të shumta.
Qytetarët në panik dhe të lënduar kanë zbritur duke kërkuar ndihmë. Ambulanca erdhi me shpejtësi duke marrë të plagosurit.
