Pas më shumë se dy orësh është rihapur qarkullimi te zona e “Urës së Tajvanit” ku ndodhi aksidenti masiv ku u përfshinë 10 makina dhe u lënduan 9 qytetarë.
Autobus i linjës së unazës u përplas me makinat e tjera. Ende nuk dihet sesi nisi aksidenti dhe kush ishte shkaktari.
Shoferi i autobusit Agron Xhafa që rezultoi se nuk kishte konsumuar alkool paraprakisht ka deklaruar vuan nga diabeti dhe zemra.
“Nuk ndihesha mirë kur ndodhi përplasja! Vuaj nga diabeti dhe zemra” mësohet se ka thënë shoferi, sipas Report Tv.
Aksidenti dyshohet të jetë shkaktuar nga shpejtësia e autobusit, sipas versionit të njërit prej drejtuesve të makinave që u aksidentua.
