SPAK ka depozituar për herë të dytë kallëzimin e familjarëve të dosje së “21 Janarit” në prokurorinë e Tiranës.
Kreu i SPAK-ut, Altin Dumani ka firmosur letrën dërguar prokurorisë së Tiranës që ka një dosje të hapur për “21 Janarin” dhe për dijeni Mark Nikës, që është xhaxhai Aleks Nikës, i cili ishte një nga personat që depozitoi kallëzimin e dytë në këtë prokurori pak ditë më parë.
Në një letër të gjatë, kreu i SPAK, thekson se institucioni që drejton e ka çuar kallëzimin në prokurorinë e Tiranës dhe nëse nga hetimet do të dalë ndonjë element i ri për dosjen apo personat e kallëzuar, Sali Berisha, Lulzim Basha dhe Ndrea Prendi atëherë t’i çohet SPAK-ut.
Praktikisht sërish në pikën zero. Familja Nika deklaron se disponon një kasetë, audio me urdhrat për të qëlluar në 21 Janar 2011, por nuk e dorëzon nëse dosjen nuk e merr në rihetim SPAK-u.
