Kuvendi ka parashikuar mocion me debat 24 orë me kryeministrin Edi Rama për dosjen “McGonigal”, por shefi i qeverisë foli 40 minuta dhe u largua. Deputeti i PD-së, Luçiano Boçi i kërkoi kryetares së Kuvendit që të ndërpresë seancën deri kur të rikthehet Edi Rama.
“I pranishëm duhet të jetë kryeministri këtu, sepse nuk është monolog, por debat, kryeministri duhet të ishte këtu. Ju lutem, ndërprisni seancën deri kur të vijë kryeministri. I bashkuat bashkë, bravo u qoftë, po tani çfarë po bëni, gallatë me tre iniciativa. Për interpelancë duhet të jetë vetë kryeministri.
Si mund të vazhdojë seanca, kot, false, show. Ligjërimi i tij ishte hartim i shkollës së mesme. Kjo nuk është seancë. Thirreni kryeministrin. Pasi ka munguar kaq kohë. Të paraqitet këtu për të dhënë përgjigje për debatin. Ne debatin nuk do ta bëjmë me njëri tjetrin, por me kryeministrin, prandaj kërkojmë ndërprerjen” tha ai.
