Gjykata e Posaçme shtyu për në 23 Mars vendimin për dosjen e ish-ministrit Fatmir Mediu në gjyqin paraprak. Shkak u bë mungesa e prokurorëve, por në sallë nuk ishte as vetë Mediu, që u përfaqësua nga avokatët.
Në seancë ka qenë edhe familja Durda, Zamira dhe Feruzan Durda, të cilët humbën fëmijët e tyre vetëm 7 vjeç nga shpërthimi i Gërdecit.
Zamira Durda, njeriu që është kthyer në simbol i kërkimit të drejtësisë për këtë dosje, tha se një pyetje ka për gjykatën.
“Thjeshtë kërkoj drejtësi dhe gjykata të më japë përgjigje, pse jeton nuk jeton Erisoni?”. Më tej, Durda tha se nuk është e kënaqur me akuzën që është ngritur kundër Mediut.
“Shpërdorim detyre nuk është akuzë e mjaftueshme, duhet të vazhdonte për vrasjen e një ose më shumë personave” tha ajo.
