40 ditë pasi firmosi marrëveshjen finale për Portin e Durrësit, Besart Kadia është liruar nga posti i zv/ ministrit të Financave dhe Ekonomisë duke kaluar në të njëjtin nivel te ministria e Jashtme. Arsyet e kësaj lëvizje nuk dihen.
Por lëvizja vjen papritur për një nga zyrtarët që u investua fuqishëm si publikisht për të mbrojtur marrëveshjen për portin e ri të Durrësit, por edhe faktin që në 30 Janar ishte Kadia që firmosi kontratën me investitorin Muhammed El Alabbar dhe Erlis Herenin, drejtor i Agjencisë për realizimin e këtij projekti.
Besart Kadia u emërua si zv/ ministër i Financave në 11 nëntor 2020. Kadia është pedagog dhe njëherësh njohës i mirë i ekonomisë, që kaloi nga PD tek qeveria socialiste.
Ai u zëvendësua nga Endrit Yzeiraj që ka qenë ish-aktivist i Nismës Thurje. Nga viti 2011 ai punoi në Departamentin e Kërkimeve të Bankës së Shqipërisë duke u specializuar në analiza statistikore në lidhje me çështjet me të cilat përballet ekonomia shqiptare.
