Presidenti i Serbisë, Aleksandar Vuçiç po fillon formimin e Lëvizjes Popullore për Shtetin dhe në periudhën e ardhshme do të vizitojë të gjitha anët e vendit, shkruan “Tanjug“.
Vuçiç do të kërkojë mbështetjen e popullit për mbrojtjen e Serbisë dhe nga e shtuna e 11 marsit do të fillojë bisedimet me popullin në jug të Serbisë, me shumë gjasa në Vranjë.
Më herët ishte “Nova.rs” që spekuloi se Aleksandar Vuçiç jo vetëm që do të largohet nga posti i kreut të Partisë Progresive Serbe, por do të formojë një parti apo lëvizje të re politike.
