Kryeministri Rama ka mbërritur në qytetin e Elbasanit, në “kryeqendrën” e festimeve të Ditës së Verës, që festohet çdo 14 mars në vendin tonë.
Ai është parë në hyrje të bulevardit kryesor të qytetit i shoqëruar nga i deleguari i Partisë Socialiste për Qarkun e Elbasanit, Damian Gjiknuri, nga kryebashkiaku i Elbasanit, Gledian Llatja dhe drejtues e përfaqësues të tjerë të kësaj force politike në qytet.
Rrugët dhe parqet janë të mbushura me aktivitete të organizuara nga Bashkia e Elbasanit. Me dhjetëra aktivitete po mbahen, ndërsa fëmijët janë me veshur me kostume.
Festivali i Ballokumes, risi e këtij viti, do të zhvillohet në qendër të qytetit ku të gjithë do të kenë mundësi të provojnë ballokumet e shijshme të zonjave elbasanase. Ndërkohë ky është panairi i zejeve, i cili sjell traditën e çdo zone, nga Shpati deri në Labinot Mal.
Kjo festë sjell çdo vit në Elbasan qytetarë nga të gjitha zonat e vendit.
