Dy nxënëse kanë rrëfyer se vranë me thikë një vajzë 12-vjeçare në Gjermani, tha policia të martën një rast që ka tronditur vendin.
Viktima, e njohur vetëm si Luise u zhduk të shtunën pasdite pasi doli nga shtëpia e një miku pranë qytetit të Freudenberg në shtetin perëndimor të Nordrhein-Westphalia.
Trupi i Luise u gjet të nesërmen në një zonë të pyllëzuar jo shumë larg shtëpisë së saj.
“Fëmija vdiq si rezultat i plagëve të shumta me thikë dhe humbjes së gjakut,” tha prokurori i Koblenz Mario Mannweiler në një konferencë shtypi, duke shtuar se “nuk kishte indikacione për një krim seksual”.
Dy vajza, 12 dhe 13 vjeç, kanë pranuar vrasjen, shtoi Florian Locker, kreu i departamentit të vrasjeve të policisë së Koblenz. Dy vajzat “bënë deklarata për këtë çështje dhe përfundimisht pranuan krimin”, shtoi ai.
Në Gjermani mosha e përgjegjësisë penale fillon nga 14 vjeç. Hetuesit nuk kanë gjetur ende thikën apo thikat e përdorura në sulm, përfundoi Manweiler.
