Një efektiv i forcave RENEA ra në prangat e policisë së Tiranës këtë të martë. Ai është 43-vjeçari Altin Morina, shef stërvitje i forcave speciale dhe akuzohet për pastrim parash, fshehje të të ardhurave e shpërdorim detyre.
Burime zyrtare të policisë bëjnë të ditur se 43-vjeçari u ndalua pas informacioneve se në një Audi, makina që drejtohej prej tij, kishte shuma të mëdha parash.
E në fakt, nga kontrolli i makinës së 43-vjeçarit Morina, në sediljen e pasagjerit u gjet një qese brenda së cilës kishte lekë, euro dhe paund.
Në total, policia thotë se Morinës iu gjetën rreth 113 mijë euro, rreth 290.00 lekë të rinj dhe 80 paund. Por kush ishte personi që njoftoi policinë, a e futën Morinën në kurth?
U kap me mijëra euro në “Audin” luksoz, kush e tradhtoi shefin e RENEA-s?
