Komandanti i Gardës së Republikës së Shqipërisë Gramos Sako ka firmosur një tender që ngre hije të forta dyshimi mbi transparencën, fakt që evidentohet nga faqja që monitoron prokurimet publike.
Sako i dha dritën jeshile një tenderi në mungesë të plotë konkurrence me një tender fiktiv, pasi dy kompani nuk paraqitën ofertë.
Tenderi 32 milionë lekë për blerje uniformash dhe elementesh të tjera përbërëse të tyre u fitua me vlerën thuajse pranë limitit 31.5 milionë lekë nga “ARISA – KONFEKSION”.
Tenderi u shpall pak ditë më parë, por dyshimet që lë pas janë të forta si për faktin që u fitua në kufijtë e limitit, por edhe fiktivitetin dhe mungesën e transparencës.
Kjo nuk është hera e parë që tenderat e uniformave janë në shënjestër për shkak të abuzimeve që kanë ndodhur në të kaluarën te policia e shtetit.
