Pas miratimit të reformës së rritjes së pensioneve në Francë e cila u propozua nga presidenti, Emmanuel Macron ka ngritur në këmbë akoma më shumë qytetarët francez.
Mijëra njerëz protestuan dhunshëm për ditë rresht në Paris kundër reformës për rritjen e moshës së pensioneve nga 62 në 64 vjeç.
Kjo reformë tashmë u miratua dhe u shndërrua në ligj falë edhe mbijetesës së qeverisë ndaj dy mocioneve të mosbesimit nga opozita.
Nëse kryeministrja dhe kabineti i saj do të shkarkohej në Asamblenë Kombëtare, Macron do të duhej të emëronte një qeveri të re ose të çojë vendin në zgjedhje të parakohshme parlamentare.
Votimi erdhi pasi shefja e qeverisë, Elisabeth Borne përdori një fuqi speciale kushtetuese për të miratuar reformën në pensione pa votim në Asamblenë Kombëtare javën e kaluar.
Miratimi i reformës së pensioneve solli incidente në Paris ku qytetarët i vunë flakën objekteve për rreth. Situata ka agravuar deri edhe në përleshje me policinë. Kjo situatë e krijuar solli arrestimin e 101 personave.
Nga ana tjetër deputetët e së majtës paraqitën disa pankarta në sallë pas miratimit të reformës.
“Beteja vazhdon!” dhe “Do të takohemi në rrugë!,” shkruhej në pankartat e deputetëve.
Ata gjithashtu kërkuan dorëheqjen e kryeministres.
