Adnan Dibrani, deputeti shqiptar në Suedi është shpallur hero në Malin e Zi, pasi shpëtoi nga mbytja një foshnjë.
Dibrani ishte rastësisht në rrugë, kur foshnja ishte mbi ujë ndërsa gjyshja e tij ishte mbytur.
Dibrani ka treguar momentet dramatike kur nxori nga uji i lumit Moraça foshnjën.
“Po e mbante sipër uji. Nuk e di çfarë kam bërë, nuk e di si, por fëmija ka shpëtuar, kur doli uji nga organet atëherë hapi sytë. Shkova shpejt për tek ambulanca, për ne na u duk koha e një jete, janë minuta, kur e kam parë atë gruan, një minutë kemi parë çfarë po bëhej, ka bebe apo kukull. Kur ka nisur të jepte zë, doja vetëm t’i jepja oksigjen, në atë moment nuk kam menduar asgjë. Kam folur me qeverinë në Mal të Zi, me kreun e parlamentit, ende nuk kam komunikuar me prindërit, më kanë treguar se si është puna. Është djalë, ka dy muaj, deri tani po shpresojnë që mos të ketë marrë lëndime”, tha Dibrani për “Shqipëria Live”.
Vëzhgues i zgjedhjeve në Mal të Zi, deputeti shqiptar bëhet hero
Adnan Dibrani që është nga Mitrovica dhe ka migruar në Suedi në vitin 1992. Ai është deputet i Parlamentit të Suedisë nga radhët e Socialdemokratëve.
