Maksim Et’hemaj, drejtori Ekzekutiv i Autoritetit të Aviacionit Civil ka bërë gati 30 milionë lekë për mobilim dhe orendi. Tenderi është hapur dje dhe ofertat priten deri në fund të këtij muaji.
Por vështirë që të kuptohet se si do t’i justifikojë preventivi i hartuar nga Autoriteti i Aviacionit Civil, jo pak, por 30 milionë lekë për të blerë orendi dhe mobilie. Edhe sikur të ndërroheshin zyrat dhe gjithçka të niste nga e para, sërish do të ishte jo fort e logjikshme.
Është e qartë që dora është lëshuar për orendi dhe mobilie jo dosido, por të një cilësie të lartë që pritet që të rrisë akoma më shumë çmimin, pasi vlera e lartpërmendur është pa TVSH.
