Aleanca për Ardhmërinë e Kosovës e ka mbështetur marrëveshjen e arritur në Ohër ndërmjet Kosovës dhe Serbisë.
Shefi i grupit parlamentar të AAK-së, Besnik Tahiri tha se është jetike për vendin që procesi i dialogut t’i shërbejë një qëllimi madhor, duke theksuar anëtarësimin e vendit në NATO.
“Gjendja në vend është shumë serioze, është kritike. Synimi përfundimtar duhet të jetë njohja reciproke”, tha ai.
Duke folur për Asociacionin, ai ka thënë se kjo është përcaktuar edhe me planin e Ahtisaarit, duke iu thënë deputetëve se “duhet të jemi të sinqertë”.
