Me dhimbje dhe lot përcillet për në banesën e fundit drejtoresha e shkollës 9-vjeçare Rrubjekë në Maminas, Ornela Gjeçi, e cila humbi jetën ditë e djeshme pasi e zuri korrenti në dush.
Dhimbja është e madhe për të gjithë komunitetin. Mesazhet ngushëlluese për familjen Gjeçi janë të shumta. Kolegët dhe nxënësit e zyshës së dashur janë të tronditur nga tragjedia.
“Do te kujtojme gjithmone si nje drejtoreshe e perkushtuar, si nje kolege e dashur me te gjithe, si nje njeri pozitiv dhe e qeshur gjithmone.
Do na mungosh te gjitheve si kolektiv dhe te gjithe nxenesve te shkollës” është një nga mesazhet e shumta që janë postuar në rrjetet sociale.
“Shpirtin na e ke këputur! Vazhdoj akoma t’mos e besoj që ti nuk do jesh më pranë familjes, pranë nesh Nela… Do të kujtojmë gjithmonë, do mbetesh gjithmonë e mira Ornela Koni Gjeçi” është një tjetër mesazh.
FOTO/ E zuri korrenti në dush, kjo është drejtoresha që vdiq në Durrës
