Kryetari i bashkisë së Tiranës Erion Veliaj zhvilloi një takim me punonjës të Policisë Bashkiake, Zjarrfikëses, IMT-së, UKT-së dhe institucioneve të tjera. Sipas Veliajt vendimi i qeverisë për rritjen e pagës minimale, nga 1 Prilli do të prekë edhe pagat për punonjësit Policisë Bashkiake dhe zjarrfikësve.
“Duke filluar nga data 1 Prill, do të fillojë rritja e rrogave. Kjo do të thotë të përfshijë edhe pagat e zjarrfikësve, që ka qenë edhe një nga komunitetet më të diskriminuara, duke qenë se fillimisht ishin në nivelin e qeverisë qendrore, pastaj shkuan në nivel të bashkive. E njëjta gjë edhe për ndërmarrjet e bashkisë. Unë besoj se me rritjen e pagave, kemi sjellë vërtet një lajm të mirë këtë pranverë” tha ai.
