Një efektiv policie, Njazi Rexhepi është arrestuar në Portin e Durrësit pasi akuzohet se kundrejt ryshfetit që merrte lejonte kalimin e paligjshëm. Nga hetimet e kryera, rezulton se punonjësi i policisë lejonte hyrje-dalje të personave që kishin ndalesa për udhëtimin në zonën Shengen, në këmbim të vlerave monetare, të cilat varionin nga 50 deri në 100 euro.
“Këto ndërveprime korruptive të dokumentuara gjatë hetimeve, kryheshin në mënyrë të vazhdueshme dhe të përsëritur, përfshi edhe raste të lejimit të kalimit të shtetasve të shpallur në kërkim nga organet e drejtësisë, apo automjeteve, pa ju nënshtruar regjimit doganor.
Gjithashtu, në funksion të këtij procedimi penal, Gjykata e Shkallës së Parë Durrës ka caktuar masën e sigurimit personal “Detyrim paraqitje në policinë gjyqësore” për shtetatasin E. S., 25 vjeç, i dyshuar për veprën penale të “Korrupsionit aktiv ndaj personave që ushtrojnë funksione publike”.
Nga hetimet e kryera, ka rezultuar se ky shtetas, ka kryer ndërveprime korruptive me punonjësin e policisë” mbyllet njoftimi. Hetimet vazhdojnë për zbulimin e personave të tjerë të përfshirë në ngjarje.
