Mund t’i keni parë prej kohësh tashmë artikujt që flasin për “avantazhet e të fjeturit në shtrate apo dhoma të ndara me partnerin”, veçanërisht nëse ky i fundit gërhet!
Kjo është dhe një nga arsyet pse Elvis Pupa dhe gruaja e tij flenë në dhoma të ndara.
”Rrimë deri vonë bashkë por për të fjetur, flemë në dhoma të ndara pasi unë gërhas shumë”, u shpreh aktori në një bisedë me banorët.
Më tej ai shtoi:
”Kemi rreth 4 vite që e kemi marrë këtë vendim, ajo do errësirë, unë dritë, kështu që jemi më rehat kur flemë veç e veç. Ama gjumin e drekës e bëjmë bashkë”.
Deklarata duket se i ka surprizuar banorët dhe ndoshta edhe disa prej jush, por në fakt, s’ka asgjë për t’u çuditur.
Studimet tregojnë se ndarja e shtrateve/dhomave gjatë gjumit, mund ta bëjë lidhjen më të shëndetshme për disa çifte.
Nëse partneri/ja gërhet apo ju preferoni dritë/errësirën – fjetja në dhoma të ndara mund të sjellë:
– Gjumë më të shëndetshëm
– Zgjim më të qetë
– Seks më pasionant
– Më shumë kohë për veten
– Marrëdhënie më të shëndetshme
Elvis Pupa jeton prej vitesh në Australi me bashkëshorten, Belina Pupa, sipërmarrëse dhe konsulente e shëndetit mendor.
