“5Pyetjet.al” sjell pamjet nga vendi i ngjarjes në Shkozet të Durrësit ku u regjistrua atentati me tritol. Shënjestra Aldi Mustafa shpëtoi për mrekulli. Makina me të cilën po lëvizte 37-vjeçari u hodh në erë me eksploziv. Policia deklaron se drejtuesi i makinës, që ishte i vetëm brenda ka shpëtuar pa lëndime nga tritoli i vendosur në gomën e pasme.
“Rreth orës 14:00, në aksin rrugor Shkozet – Durrës, në automjetin në lëvizje, që drejtohej nga shtetasi A. M., 37 vjeç (i vetëm në automjet), në gomën e pasme, në krahun e pasagjerit, dyshohet se ka shpërthyer lëndë eksplozive.
Nga shpërthimi i lëndës eksplozive nuk ka persona të dëmtuar, por vetëm dëme materiale. Në vendngjarje shërbimet e Policisë dhe grupi hetimor po vijojnë punën për zbardhjen e rrethanave të kësaj ngjarjeje”, njofton policia.
Vjen reagimi i parë i policisë për bilancin e atentatit në Durrës
Mustafa është emër i njohur për drejtësinë. Mik i Aleksandër Lahos, të njohur si “Rrumi i Shijakut”, Mustafa për herë të fundit ishte arrestuar në vitin 2021 pasi kishte planifikuar atentatin e një personi.
Mustafa më herët ka qenë anëtar i një bande të njohur në Durrës prej shumë vitesh, ndërsa ka pasur lidhje me ‘Rrumin’, një personazh i njohur dhe i përfolur në ngjarje kriminale, siç ishte dhe atentati ndaj ish-prokurorit Arjan Ndoja. Mustafa ka qenë i dënuar i dënuar me 10 vit burg në Gjermani për kanosje dhe drogë.
Në gusht të vitit 2021 ai u arrestua bashkë me dy persona të tjerë të cilët ishte të armatosur dhe dyshohet se kishin planifikuar atentat ndaj një personi. Asokohe ai u arrestua bashkë me Uran Zykën dhe Tahir Gjinikën. Në mjetin e tyre policia gjeti 3 pistoleta me fishekë në fole dhe 1 mitraloz me fishekë në fole, gati për qitje, municion luftarak, 2 laptopë, 9 telefona celularë dhe 1600 euro.
Miku i “Rrumit”! Kush ishte personi brenda makinës që u hodh në erë në Durrës?
