Ish-kryeministri italian, Silvio Berluskoni, ndodhet në gjendje kritike për jetën dhe po trajtohet në reanimacion me probleme kardiovaskulare. Ai u shtrua në spital, pak orë më parë, me vështirësi në frymëmarrje.
Siç deklaroi ministri i Jashtëm italian, Antonio Tajani, Silvio Berluskoni është në kontakt me mjekët dhe është shtruar në spital, në mesditë, për shkak të një infeksioni që ditët e fundit nuk e ka trajtuar efektivisht.
Një deklaratë mjekësore nga Spitali San Raffaele i Milanos ka të ngjarë të publikohet sonte. E gjithë situata, sipas informacioneve, konsiderohet kritike.
Siç raportohet nga shtypi italian, Cavaliere-it iu dhanë antibiotikë për shkak të pneumonisë dhe frymëmarrjen e tij po e mbështesin mekanikisht në këtë fazë.
Vajza e madhe e Berlusconit, Marina, vëllai i tij Paolo Berlusconi dhe partnerja e ish-kryeministrit italian Marta Fassina janë ndër të tjera në spital.
Kryeministrja italiane Giorgia Meloni i uroi Berlusconit një shërim të shpejtë edhe nga kjo krizë shëndetësore, duke postuar në Twitter “Forza Silvio” (guxim, Silvio). Silvio Berlusconi po trajtohet në spitalin San Raffaele, gjendja e tij konsiderohet kritike, por stabile.
“Eja Silvio, Italia po të pret!” “urimi i publikuar në Facebook nga Sekretari i Legas, Zëvendëskryeministri dhe Ministri i Infrastrukturës Matteo Salvini me një foto ku shfaqet së bashku me Silvio Berluskonin.
