Kryeministri Edi Rama nderoi dhe gradoi si kolonelë sot shtatë sportistë elitarë që i kanë sjellë vendit medalje duke ngritur flamurin kuqezi në majën më të lartë të podiumit. Por i indinjuar ka reaguar peshëngritësi i talentuar Daniel Godelli. I keqardhur, ai thotë se shteti e harroi pasi nuk është lidhur me pushtetin.
“Ndjej një keqardhje shumë të madhe sot që shteti im më harroi! Janë të shumët kufomat që vijn vërdallë dhe më pëshpërisin në vesh që nuk ka rëndësi që ti Daniel ke sjell 50 medalje për Shqipërinë, rëndësi ka të lidhesh si këpushat pas ndonjë pushtetari ti bësh lavde e këngë e më pas ai për lëmoshë të të shpërblej me ndonjë dekorim! Unë mendoj, besoj dhe gjykoj që i tejkaloj kriteret që Republika e Shqipërisë ka vendosur për të më cilësuar si sportist Elitar” shkruan ai ndër të tjera.
