Drejtori i Përgjithshëm i Burgjeve Admir Abrija ka kaluar në duar një tender goxha të majmë. Mbi gjashtë milionë Euro kanë qenë në prokurim, të cilat do të shkojnë për të blerë uniforma dhe këpucë për Policinë e Burgjeve.
Fondi limit ka qenë 772,121,465 Lekë ose 6.5 milionë Euro. Tenderi i ndarë në dy lote është 5.4 milionë Euro për të blerë uniforma dhe 1.1 milion Euro për këpucët.
Fitues me 10 milionë Lekë (626 732 100,00) më pak se fondi limit u shpall në muajin mars bashkimi i operatorëve “MARSI & AL” SHPK – “GIROMONDO” SHPK, që ka 24 muaj, ose dy vite për ta zbatuar.
Por sipas faqes që monitoron prokurimet publike, tenderi është kapur me shkelje, flamur të kuq për mungesë konkurrence.
Dyshimi shtohet edhe për faktin që operatori ekonomik “B & B FASHION” SHPK nuk ka paraqitur oferte ekonomike duke shërbyer si fasadë.
Tenderat për uniformat thuajse gjithmonë kanë rezultuar me probleme në një pjesë të institucioneve, rasti i fundit ishte i policisë së shtetit pak vite më parë. Tashmë pritet për t’u parë nëse do i dalë tymi edhe rastit të fundit. “Openprocurement” e dha sinjalin e parë për mungesë konkurrence.
