Partia Demokratike ka denoncuar pezullimin nga detyra të mësuesve të regjistruar për të kandiduar për këshillat bashkiakë në zgjedhjet e 14 Majit. Lili Sula, Shefe e Departamentit të Arsimit të zgjedhur nga grupimi i drejtuar nga Sali Berisha ka paraqitur disa fakte.
Ajo u shpreh se urdhri ka ardhur nga Ministria e Financave ku thuhet se titullarët e shkollave të mesme profesionale, drejtoritë rajonale të formimit profesional publik janë urdhëruar të pezullojnë nga detyra mësuesit.
“Partia Demokratike i siguron mësuesit se veprimtaria e tyre si kandidatë të këshillave bashkiakë ne Shkodër e në çdo rajon të vendit është në përputhje të plotë me Kushtetutën tonë dhe gjithë aktet ligjore në fuqi”, deklaroi ajo.
