Tre persona, mes tyre një biznesmen janë arrestuar nga policia për shkak të kërcënimit për një tender. Biznesmeni që ra në pranga është Shaqir Alcani 62 vjeç, pronar i firmës ‘Alcani sh.p.k.’ përfituese e disa tenderave në Tiranë dhe jo vetëm.
Bashkë me të në pranga përfunduan edhe Algert Alcani 27 vjeç dhe Edmir Boci 37 vjeç. Një tjetër person, 38-vjeç është në kërkim.
Tre persona janë arrestuar kanosën administratorin e një kompanie private në Cërrik, që të tërhiqej nga procedura e konkurrimit për tenderin që kishte fituar kjo kompani në bashkinë e Tiranës.
Sipas policisë administratori me iniciale E. M. nuk ka pranuar të tërhiqet dhe tre personat në fjalë e kanë kërcënuar se do të vrisnin atë dhe familjarët e tij. Operacioni ka nisur mbrëmjen e djeshme dhe ka vijuar gjatë natës deri mëngjesin e sotëm.
Në cilësinë e provës materiale u sekuestruan automjeti i përdorur nga autorët dhe 8 aparate celulare. Materiale procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.
“Do të vrasim me familjen”! EMRAT, kush janë tre personat që kërcënuan biznesmenin?