Qeveria ka një lajm të mirë për të dënuarit. Ministri i Drejtësisë, Ulsi Manja deklaroi sot se amnistia do të firmoset pas zgjedhjeve të 14 Majit. Manja sqaroi edhe arsyen sipas tij të shtyrjes së amnistisë për të burgosurit. Një koment e kishte edhe për votimin e të dënuarve në burgje.
“Në datën 4 ka dalë ekstrakti i fundit zgjedhor dhe Drejtoria e Burgjeve ka bërë koordinimin me njësitë e qeverisjes vendore për të parë nëse të paraburgosurit dhe të dënuarit janë në listat e zgjedhësve dhe ne garantojmë që të gjithë të paraburgosurit dhe të dënuarit që kanë të drejtën e votës gjenden në lista.
Masa e dytë është garantimi i çdo të paraburgosuri dhe të dënuari të jenë të pajisur me karta identiteti. Një nga arsyet që shtymë ligjin për amnistinë ishte procesi zgjedhor i 14 majit për të shmangur çdo alibi për zgjedhjet. Pas zgjedhjeve kam orientuar Drejtorinë e Burgjeve të përgatisin në draft të ligjit për amnistinë brenda kufizimeve ligjore” tha Manja.
