Një tjetër goditje nga rrjetet sociale. Një person është kapur duke lëvizur me makinë në krah të kundërt përfundoi në polici, i hiqet patenta që shoqërohet me një gjobë.
Video e filmuar nga një drejtues makine u postua në rrjetet sociale duke treguar shkeljen dhe rrezikun. Sipas policisë nga monitorimi i rrjeteve sociale është konstatuar shkelja.
Policia thotë se identifikoi drejtuesin e automjetit, i cili pasi u lokalizua u shoqërua në komisariatin Rajonal të Policisë Rrugore Tiranë.
Drejtuesi i automjetit u ndëshkua me masë administrative 12 000 lekë të rinj, pezullim të lejes së drejtimit për 16 muaj, si dhe iu zbritën 3 pikë nga pikët e lejes së drejtimit.