Opozita ka hapur sot fushatën për zgjedhjet. Fillimisht fjalën e kanë marrë kandidatët për krytarë bashkie në Tiranë, Shkodër, Elbasan, Durrës, Korçë, etj. Igli Cara u shpreh se ndryshimi duhet të ndodhë që vatrat e qytetarëve të mos mbeten bosh.
“Ndryshimi duhet të ndodhë në Durrës për t’i dhënë fund arrogancës së pushtetit, klientelizmit, patronazhistëve dhe një grusht njerëzish të kthyer në bandë qeverisëse. Porti duhet ta identifikojë qytetin, por kjo pasuri kombëtare e nuk mund të grabitet me VKM dhe miliarda euro të prodhojnë biznes për klanin Rama Dako Sako. Duhet t’i jepet frymëmarrje iniciativës së lirë”, u shpreh Cara.
Luçiano Boçi tha se Elbasani do të shkëputet nga krimi dhe me të në krye do të fillojë një erë e re. “Dua të flas me demokratë dhe socialistë, të qendrës dhe pa parti, dua tu them se sot është koha e qytetarëve, e shërbimit ndaj tyre, sepse unë dhe programi im kërkon tu japë qytetarëve të Elbasanit mjetet për të arritur ambiciet e tyre, ti kthejmë fatin e qytetit të tyre, ku secili ka vendin dhe vlerësimin e vet, të zgjedhë vendin e vet, ku të gjithë ndjejnë se qeverisen me mendje e zemër. Vetëm kështu mund të jemi fituesit e vërtetë të kësaj beteje”, tha Boçi.
